Madhushaala:- A golden Road Like a Path of CA Course

 

MADHUSHAALA

 

      MADIRA MEIN JAANE KO GHAR SE CHALTAA HAI PEENEWAALA

      KIS PATH SE JAAOON ASMANJAS MEIN HAI WO BHOLA BHAALA

      ALAG ALAG PATHU BATALAATHI SAB PAR MAIN YE BATAATA HOON

      RAAH PAKAD TU EK CHALAA-CHAL PAA JAAYEGA MADHUSHAALA

 

 

      SUN KAL-KAL CHAL-CHAL MADHU-GHAT SE GIRTI PYALON MEIN HAALA

      SUN RUN JHUN-JHUN CHAL WITRAN KARTI MADHUSA KI BAALA

      BAS AA PAHUNCHE DOOR NAHIN KUCH CHAAR KADAM AUR CHALNA HAI

      CHAHAK RAHE SUN PEENE WAALE MEHAK RAHI LE MADHUSHAALA

 

      NAAL SURA KEE DHAAR LAPAT SEE KEH NA DENA ISE JWAALA

            MADIRA HAI MATH ISKO KEH DENA URR KA CHAALA

      DARD NASHA HAI IS MADIRA KA WIGAT SMRITIYAN SAAQI HAIN

      PEEDA MEIN ANAND JISE HO AAYE MERI MADHUSHAALA

 

      DHARM-GRANDH SAB JALA CHUKI HAI JISKE ANTAR KEE JWAALA

      MANDIR MASJID GIRJE SAB KO TOD CHUKA JO MATWAALA

      PANDIT MOMIN PAADRIYON KE FANDON KO JO KAAT CHUKA

      KAR SAKTI HAI AAJ USEE KA SWAAGAT MERI MADHUSHAALA

   

      LAALAYEET ADHRON SE JISNE HAAYE NAHIN CHOOMI HAALA

      HARSHIT KAMPIT KAR SE JISNE HAAY MADHU KA CHOOAA PYAALA

      HAATH PAKAD KAR LAJJIT SAAQI KO PAAS NAHIN JISNE KHEENCHA

      WYARTH SUKHA DAALI JEEWAN KEE USNE MAHDUMAY MADHUSHAALA

 

 

      BANE PUJAARI PREMI SAAQI GANGA JAL PAAWAN HAALA

      RAHE FERTA AWIRAT GATI SE MADHU KE PYAALON KEE MAALA

      AUR LEEYE JAA AUR PEEYE JAA ISI MANTR KA JAAP KEEYE JAA

      MAIN SHIV KI PRATIMA BAN BAITHOON MANDIR HO YE MADHUSHAALA

 

      EK BARAS MEIN EK BAAR HEE JAGTI HOLI KEE JWAALA

      EK BAAR HEE LAGTI BAAJI JALTI DEEPON KEE MAALA

      DUNIYA WAALON KINTU KISI DIN AA MADIRAALAY MEIN DEKHO

      DIN MEIN HOLI RAAT DIWAALI ROZ MANAATI MADHUSHAALA

 

      ADHARON PAR HO KOEE BHI RAS JIWHA PAR LAGTI HAALAA

      HAN JAG HO KOEE HAATHON MEIN LAGTA RAKKHA HAE PYAALAA

      HAR SURAT SAAQI KI SURAT MEIN PARIVARTIT HO JAATI

      AANKHON KE AAGE HO KUCHH BHI AANKHON MEIN HAE MADHUSHAALAA.

 

      SUMUKHI TUMHARA SUNDAR MUKH HI MUJH KO KANCHAN KAA PYAALAA

      CHHALAK RAHI HAI JISME MANIK ROOP MADHUR MAADAK HAALAA

      MAIN HI SAAQI BANTA MAIN HI PEENE WAALA BANTA HOON

      JAHAN KAHIN MIL BAITHE HUM TUM WAHIN GAEE HO MADHUSHAALA

 

       DO DIN HEE MADHU MUJHE PILAA KAR OOB UTHI SAAQI BAALAA

      BHAR KAR AB KHISKA DETEE HAI WOH MERE AAGE PYAALAA

      NAAZ-O-ADAA ANDAAZON SE AB  HAAYE PILAANAA DOOR HUA

      AB TO KAR DETEE HAI KEWAL FARZ-ADAAEE MADHUSHAALAA

 

       CHOTE SE JEEWAN MEIN KITNA PYAAR KAROON PEELOON HAALA

      AANE KE HEE SAATH JAGAT MEIN KEHLAAYA JAANE-WAALA

      SWAAGAT KE HEE SAATH WIDA KI HOTHI DEKHI TAYYAARI

      BAND LAGI HONE KHULTE HEE MERI JEEWAN MADHUSHAALA

   

      SAANT SAKI HO AB TAQ SAAQI PEEKAR KIS URR KEE JWAALA

      AUR AUR KI RATAN LAGAATA JAATA HAR PEENE-WAALA

      KITNI IKSHA EK HAR JAANE-WAALA YAHAN CHOD JAATA

      KITNE ARMAANON KEE BANKAR QABR KHADI HAI MADHUSHAALA

 

      YAM AAYEGA SAAQI BANKAR SAATH LIYE KAALI HAALA

      PEE NA HOSH MEIN PHIR AAYEGA SURA WISUDH YEH MATWAALA

      YEH ANTIM BEHOSHI ANTIM SAAQI ANTIM PYAALA HAI

      PATHIK PYAAR SE PEENA ISKO FIR NA MILEGEE MADHUSHAALA

  

      GIRTI JAATI HAI DIN-PRATIDIN PRANAYANI PRAANON KEE HAALA

      MAGN HUA JAATA DIN-PRATIDIN DEEN SUBHGE MERA TAN PYAALA

      ROOTH RAHA HAI MUJHSE ROOP SI DIN-DIN YAUWAN KA SAAQI

      SOOKH RAHI HAI DIN-DIN SUNDARI MERI JEEWAN MADHUSHAALA

 

      DHALAK RAHEE HO TAN KE GHAT SE SANGINI JAB JEEWANHAALA

      PAATR GARAL KA LE AB ANTIM SAAQI HO AANEWAALA

      HAATH PARAS BHOOLE PYAALE KA SWAAD SURA JIWHA BHOOLE

      KAANON MEIN TUM KEHTI REHNA MADHUKANN PYAALA MADHUSHAALA

 

      MERE ADHARON PAR HO NA ANTIM WASTU NA TULSI-JAL PYAALA

      MERE JIWHA PAR HO ANTIM WASTU NA GANGA-JAL HAALA

      MERE SHAV KE PEECHE CHALNE-WAALON YAAD ISE RAKHNA

      RAM-NAAM HAI SATYA NA KEHNA KEHNA SACHCHI MADHUSHAALA

 

       MERE SHAV PAR WAH ROYE HO JISKE AANSOO MEIN HAALA

      AAH BHARE WAH JO HO SURBHIT MADEERA PEEKAR MATWAALA

      DE MUJHKO WO KAANDHA JINKE PAD-MAD DAG-MAG HONTE HO

      AUR JALOON USS THAUR JAHAN PAR KABHI RAHEE HO MADHUSHAALA

 

      AUR CHITHA PAR JAAYE UNDELA PAATR NA GHRITH KA PAR PYAALA

      GHANT BANDHE ANGOOR LATHA MEIN MADHYA NA JAL HO PAR HAALA

      PRAAN-PRIYE YADI SHRAADH KARO TUM MERA TO AISE KARNA

      PEENE-WAALON KO BULWA KAR KHULWA DENA MADHUSHAALA

 

      NAAM AGAR POOCHE KOI TO KEHNA BAS PEENE-WAALA     

      KAAM GARAL NA AUR DHAALNA SAB KE MADIRON KA PYAALA

      JAATI PRIYE POOCHE YADI KOI KEH DENA DEEWANON KEE

      DHARM BATANA PYAALON KI LE MAALA JAPNA MADHUSHAALA

 

      PITR PAKSH MEIN PUTR UTHANA ARAGYAN NA KAR MEIN PAR PYAALA

      BAITH KAHIN PAR JAANA GANGA SAGAR MEIN BHARKAR HAALA

      KISI JAGAH KEE MITTI BHEEGE TRIPTI MUJHE MIL JAAYEGEE

      DARPAN ARPAN KARNA MUJHKO PADH PADH KARKE "MADHUSHAALA"

 

      LYRICS : HARIWANSH RAI BACHHAN

      MUSIC  : JAIDEV

      VOICES : HARIWANSH RAI BACHHAN, MANNA DEY

 

 

This not a voice of only HRB but  this is voice of all indians......