"WAQT NAHI"
Har khushi hai logon ke Daman mein,
Par ek hansi ke liye Waqt nahi.
Din Raat daudti duniya mein,
Zindagi ke liye hi Waqt nahi.
Ma ki loree ka ehsaas to hai,
Par maa ko maa kehne ka Waqt nahi.
Saare rishton ko to ham maar chuke,
ab unhe Dafnane ka bhi Waqt nahi.
Saare naam mobile me hain,
Par dosti ke liye Waqt nahi.
Gairon ki kya baat karen,
Jab apno ke liye hi Waqt nahi.
Ankhon me hai nind badee,
Par sone ka Waqt nahi.
Dil hai gamon se bhara hua,
Par rone ka bhi Waqt nahi.
Paison ki daud me aise daude,
Ki thankne ka bhi Waqt nahi.
Paraye Ehsason ki kya kadr karein,
Jab apane sapno ke liye hi Waqt nahi.
Tu hi bata E zindagi,
Iss Zindagi ka kya hoga,
Ki har pal marne Walon ko,
Jeene Ke Liye Bhi Waqt Nahi......!!!
CAclubindia
