Aap sabhi ko yaad karke tanhayi ka ehsas hona

neend ke agosh me khuch is tarah kho jana

sapno me bhi hakikat ko hi pana

mil ke bichad jane par do aasu bahana

bichad ke mil jane par khush ho jana

har sapne ko kuch is tarah se pirona

jaise resham ki dor me moti pirona

subha hote-hote un motiyon se haar banana

haar ko gale me saja kar dekhne ki iccha jatana

aankh khulte hi motiyon ke bhaar se haar ka bikhar jana

phir dinbhar un motiyon ko sametne ki koshish karna

shaam hote-hote sapno ki duniya se ruth jana

buje se iraden lekar bistar me ghus jana

aap sabhi ki yaadon ka ek baar phir satana

aur phir sapne sajane ki ek choti si bhul kar baithna

aise hi kai din bitana aur phir aage badh jana

naye jeewan me kadam rakh naye doston se haath milana

unke sath din bhar ke pal ka lupt uthana

magar raat hoye-hote aap sabhi ki yaadon ka dastak dena

aur phir sapne sajane ki ek choti si bhul kar baithna

iske saath jeevan ka ek baar phir naya mod lena

phir naye logo se mil apne jeevan me mila lena

unse mil kar jeewan ki sachai ki parchai lena

raat hote hi yaadon me is baar unhe bhi shamil kar lena

aur phir sapne sajane ki ek choti si bhul kar baithna

jeewan ka akhri dor me chote-mote dhakke khana

din bhar baithe-baithe biti hakikat ke sapane bunana

unhe dekh-dekh kar in aankhon se aasuo ka beh nikalna

raat hote-hote goli ki 3-4 dose lekar so jana

aur phir sapne sajane ki ek choti si bhul kar baithna

mout ka hamare dwar par bade pyar se dastak dena

khushi-khushi mout ki aur hamare kadmo ka badh jana

mout par hamari, logo ka magarmacha ke do aasu bahana

raat hote-hote is zamin ki goud me dafna diya jana

aur har raat sabhi ko yaad kar ke mout ka lupt uthana.